انا لسه والده وبعد ما خلــصت الاربعين

الديك والفــرخة
انا لسه والده وبعد ما خلــصت الاربعين فكرت

اعوض جوزي عن الشوق والحنين
روحت اشتريت ديكورات وشموع وحركات على اساس اعمل جو ليله وقعدت افكر ازاى اعمل ليله حلوه و حركه جديده!! دخلت على النت لقيت عرض جديد عن الالعاب  فطلبت العرض اون لاين قفص كبييييييير واتزوقت على أكمل وجه ولبست حاجة كلها ريش آخر شهيصه والمكيب ولا العروسه وبقيت فله شمعه منوره اكلت النونو ونيمـته فى غرفة الأطفال
واتصلت بجوزي وقلتله: لما تخلص قعدتك مع اصحابك عرفنى وأنت راجع فى الطريق
المهم شويه واتصل بيا وقالي انا فى الطريق قومت بسرعة ، ودخلت القفص وقفلت ع نفسي ورميت المفتاح بره القفص ! تتوقعوا ليييييييييييييه؟! انا هقولك ليه !!؟
عشان أول مايدخل اقوله .. انت الفارس الى هتنقذنى واحسسه أنه بطل وفارس احلامي المهم رميت المفتاح وقعدت استنا عنتر ابن شداد ! واستنا واستنا و مجاش والنــونو صحى وفضل يعيط وانا مش عارفه اطلع من القــفص قافله علي نفسي وهو اتاخر والبيبي اتفرم من العــياط ..

وبعد شويه حماتي إلى ساكنه فى نفس البيت في الدور الأرضي تسمع الولد بيصوت وفضلت تنادي عليا وانا مش عارفه ارد حماتي قلقت وطلعت فتحت الشــقة ودخلت عليا الاوضه ولقيتني جوه القفص . حماتي قالتلي وهي مصدووووومه من المنظر : ايه الى انتى عملاه فى نفسك ده يا هطئله ؟ انا مــوت من الاحــراج ، وانا لابسه الريش وفى القفص ..
قولتلها :- اتخيلت نفسي فرخه ومستنيه الديك .. :حماتي بصتلي بقــرف وقالت : ربنا يشفيكى من الهبل الى فيه انتى والديك الى قاعده تستنيه فى القفص انزلي يختي جوزك نايم على الكنبه تحت وسكتي الكتكوت اللي بيكاكي يا فرخة وانا من وقتها مش قادرة انزل من البيت من الكسوف أصلح الموقف ازاي